No declared emergencies

Wednesday 13 Dec - 4:08 pm

Whakatūpato Waea Pūkoro Ohotata

Mēnā kei te noho mōrearea tō ora, hauora, ō rawa rānei, ka taea tētahi Whakatūpato Pūkoro Ohotata (Emergency Mobile Alert) te tuku atu ki tō waea pūkoro.

Ka tukuna ngā whakatūpato mā ngā hangarau pāhotanga pūkoro, nō reira hei aha te rēhita, te tikiake rānei i tētahi taupānga. Ka taea anō te whakamahi mō ngā wāhi kei te raruraru, nō reira ka whiwhi anake i a koe mēnā kei tō rohe te ohotata.

Ka taea anake ngā karere te tuku e Te Rākau Whakamarumaru, Ngā Rōpū Rākau Whakamarumaru, Ngā Pirihimana o Aotearoa, Whakaratonga Iwi, Te Manatū Hauora me Te Manatū Ahu Matua.

Mēnā kei te kā tō waea, ka taea te whiwhi, ā, kei roto i te wāhi hāngai, ko te tikanga ka whiwhi koe. Ka taea e koe te rapu mēnā ka taea e tō waea te whiwhi whakatūpato i civildefence.govt.nz/get-ready/civil-defence-emergency-management-alerts-and-warnings/emergency-mobile-alert/emergency-mobile-alert-capable-devices/

Kāore ngā Whakatūpato Pūkoro Ohotata i te whakakapi i ētahi atu whakatūpato ohotata. He tikanga tāpiri anō mō te whakatūpato i a koe, tae atu ki ētahi atu hongere. Kōkiritia ināianei tonu. Ehara i te mea ka taea e ngā waea katoa te whiwhi whakatūpato, nō reira ki te whiwhi whakatūpato koe, me whakamōhio ki ētahi atu. Ki ō whakaaro kei te noho mōrearea koe, kaua e tatari mō tētahi whakatūpato ōkawa.

He pēhea te mahi a te Whakatūpato Pūkoro Ohotata?

Ka whakamahia e ngā Whakatūpato Pūkoro Ohotata tētahi irirangi motuhake, kia tōtika ake i roto i tētahi ohotata ina pokea ana te whatunga e ngā whakawhitinga waea pūkoro, irirangi hoki.

Kāore he aha ahakoa kei tēhea whatunga koe. Ka whiwhi ngā waea e uru atu ki te wāhi i te wā pāhotanga i te whakatūpato.

Ka taea e au te puta atu i ngā Whakatūpato Pūkoro Ohotata?

I te mea ko te Whakatūpato Pūkoro Ohotata he tiaki i a koe, kāore e taea e koe te puta atu i te whiwhi i te Whakatūpato Pūkoro Ohotata. Ka whakaatu pea tō waea i ngā tautuhinga kōwhiringa e whakamahia ana i ētahi atu whenua, engari i Aotearoa ka whakamahia he hongere pāhotanga motuhake e pūmau ana te kā.

Ka aha mēnā ka whiwhi au i tētahi Whakatūpato Pūkoro Ohotata?

Whakamutua ō mahi ka whai i ngā tohutohu.

Ka tukuna anake ngā karere Whakatūpato Pūkoro Ohotata e ngā tari ohotata whaimana, ka mutu mēnā he tino mōrearea ki te ora, hauora, ngā rawa rānei (me tētahi whakamātautau, e rua rānei i te tau), nō reira ki te whiwhi whakatūpato koe me tino aro mai ka whai i ngā tohutohu.

Kāore te Whakatūpato Pūkoro Ohotata i te whakakapi i ētahi atu hongere

He hongere anō te Whakatūpato Pūkoro Ohotata ka whakamahia hei whakahaumaru i a koe mēnā ka pā mai he ohotata. Ka whakamahia anō ētahi atu hongere, pērā i te reo irirangi, pouaka whakata, paetukutuku, pāpāho
pāpori hoki. Kāore ngā whakatūpato i te whakakapi i ētahi atu pūnaha whakatūpato, te tahuri rānei ki tētahi mahi i muri i ngā whakatūpato noa.

Me noho takatū tonu koe mō tētahi ohotata, ā, kaua koe e tatari ki te whiwhi i tētahi whakatūpato i mua i te kōkiritanga. Ki ō whakaaro kei te noho mōrearea koe, kaua e tatari mō tētahi whakatūpato ōkawa. Kōkiritia ināianei tonu.

Me whai wā koe ki te waihanga i tāu ake mahere ohotata e whai ana i ngā mahi hei whai, me haere ki hea, mā wai koe e āwhina, ā, ko wai ka hiahia i tō āwhina. Ka taea e koe te waihanga mahere tuihono i happens.nz.